Svimjisamband Føroya fekk í gjár fráboðan frá evropeisku olympisku nevndini EOC, umvegis Ítróttasamband Føroya, at vit allíkavæl ikki sleppa at luttaka á evropeisku juniormeistarastevnuni 2015, sum LEN fyriskipar á Evropeisku Leikum í Baku. Hetta hóast endurtikin munnlig lyfti, at vit fóru at kunna luttaka har undir EOC-flaggi, síðani tann møguleikin beyðst tíðliga í desember 2014.
Svimjisambandið hevur í dag fingið váttan frá evropeiska svimjisambandinum LEN, at Dan Hjelm er á listanum yvir svimjidómarar á Evropeisku Leikum 2015, sum verða í Baku í Azerbaijan í summar. Og Dan hevur eisini sjálvur fingið heilsan úr Baku, har tey ynskja honum tillukku við heiðrinum.
Dan ger klárt til start á NJM/NM 2013
Nú tvær vandastøður hava verið við ungum svimjarum í føroyskum svimjihallum, halda vit í Svimjisambandi Føroya tað vera hóskandi, at vit vísa á tey tilboð sum vit hava bygt upp og bjóða í sambandi við trygd í svimjihallum.
Svimjisambandið kann bjóða øllum kommunum, svimjihallum og skúlum hesi tilboð:
Tilboðini eru at kalla ókeypis, og einans avmarkaði av teirri tíð sum okkara dómarar og undirvísarar kunnu seta av, til at gera hetta fyri einki við síðuna av sínum dagliga yrki.
Út yvir hetta er SSF er av teirri áskoðan, at fyrsta og mest týðandi stig til at minka um vandan fyri druknivanlukkur, er at øll kunnu svimja. Við støði í norðurlendsku allýsingini, ið sigur at svimjari er tann ið kann svimja 200 metrar uttan at steðga.
Lívbjargarar í Gundadali. Jórun Eið Johannesen eigur myndina
Atlantic Airways og Svimjisamband Føroya endurnýggjaðu í gjár stuðulsavtaluna sínámillum, at vera galdandi eisini fyri 2015. Hetta tá ið Allan Skaalum, marknaðarleiðari hjá Atlantic, og undirritaði SSF-formaður Rókur í Jákupsstovu møttust í Norðurlandahúsinum, til eitt prát og undirskriving av nýggja sáttmálanum.
Rókur í Jákupsstovu, formaður í Svimjisambandi Føroya og Allan Skaalum, marknaðarleiðari hjá Atlantic Airways. Annika í Jákupsstovu tók myndina.
Vit í SSF fegnast um avtaluna við Atlantic, sum hava stuðlað okkum fíggjarliga síðani í øllum førum 2006, og eisini praktiskt tær mongu ferðir sum vit hava haft brúk fyri hjálp í sambandi við uttanlandaferð. Stuðlar eru ein fortreyt fyri virkseminum hjá Svimjisambandi Føroya, og er tað tí kærkomið at hava ein dyggan stuðul sum Atlantic.
Vegna Svimjisamband Føroya
Rókur í Jákupsstovu
Góðu tit
Eg skal við hesum boða frá, at HS-stevnan sum skuldi vera í Havn hin 11. og 12. apríl 2015, verður flutt til 18. og 19. apríl 2015. Hetta við góðkenning frá starvsnevndini í Svimjisambandi Føroya, og í samráð við høvuðsvenjararnar, og fyriskipararnar í Havnar Svimjifelag.
Starvsnevndin í Svimjisambandi Føroya hevur samtykt at víðka kravtíðarskeiðið tilsvarandi til Oyggjaleikir 2015. Tað vil siga, at síðsta freist at klára kravtíð til Oyggjaleikir á Jersey í 2015, er sunnudagin 19. apríl 2015.
Vegna Svimjisamband Føroya
Rókur í Jákupsstovu
Norðurlendska svimjisambandið hevði mikudagin 28. januar sín árliga fund fyri aðalskrivarar og ítróttarstjórar, har aðalskrivararnir serliga fyrireika norðurlendska aðalfundin og kalendaran fyri komandi árið, og ítróttarstjórarnir koma við broytingaruppskotum til kappingarreglurnar.
You must be logged in to post a comment.