Góðu tit øll,
Flestu av tykkum hava óivað longu lisið hesa grein á TV2 Sporten, við yvirskrift “Nordatlantisk drama i Kazan: Færøerne raser mod FINA”
http://sporten.tv2.dk/svoemning/2015-08-10-nordatlantisk-drama-i-kazan-f…
Hendan grein er ikki serliga rættvísandi, í mun til tað sum veruliga hendi við dómaraborðið í Kazan, eftir at Sun Yang valdi ikki at svimja HM-finalu í 1500 metrar frí.
Føroyar vunnu 2 gullheiðursmerki afturat á Norðurlendsku Meistarastevnuni fyri Ung 2015, tá ið Sára Ryggshamar Nysted úr Suðuroyar Svimjifelag í morgun vann kappingarnar í 400 metra frísvimjing og 200 metra blandaðari svimjing, ta fyrru við nýggjum føroyskum juniormeti.
Føroyska NMU-landsliðið í Rosenlundsbadet í Jönköping. Jón Bjarnason eigur myndina.
Sára Ryggshamar Nysted helt áfram at vinna gull og seta føroysk met, tá ið næsti stevnupartur á Norðurlendsku Meistarastevnuni fyri Ung varð avgreiddur í Jönköping. Vár var heilt nær einum heiðursmerki eisini, og øll fýra hava nú sett persónlig met á hesi stevnu.
Sára gull í 200 frí á NMU 2015. Jón Bjarnason eigur myndina.
Føroysku svimjararnir fingu eina avgera góða byrjan, tá ið Norðurlendska Meistarastevnan í svimjing 2015 fór av bakkastokki í morgun, í Rosenlundsbadet í Jönköping. Sára Nysted vann gull og silvur og setti met, Vár Eidesgaard vann eisini silvur, og hinir báðir luttakarnir settu persónlig met.
Vár, Sára og Silja heiðursmerki í 800 frí á NMU 2015. Jón Bjarnason eigur myndina.
Starvsnevnd SSF avgjørdi í gjárkvøldið sum nakað heilt serstakt at taka út fylgjandi svimjarar til HeimsMeistarastevnuna fyri Juniorar 2015, sum verður í Singapore frá 25. til 30. august 2015.
Hesar báðar hava sýnt einastandandi høgt støði í hesum ári, sum hevði rokkið til Evropeisku JuniorMeistarastevnuna, um bara tær vóru eitt ár eldri og harvið luku aldurstreytirnar hjá LEN.
FINA brúkar ein øðrvísi junioraldur enn LEN, sum LEN tó ætlar sær at skifta til longu í 2016.
Starvsnevnd SSF heldur tí at tær eiga at fáa hendan møguleikan, sum eina roynd, og uttan annars at taka støðu til um vit framyvir fara at luttaka á HMJ.
Starvsnevnd SSF avgjørdi á fundi í gjárkvøldið at taka út fylgjandi svimjarar til HeimsMeistarastevnuna 2015, sum verður í Kazan í Russlandi frá 2. til 9. august 2015.
Pál Joensen hevur klárað A-kravtíðina hjá FINA til luttøku í 400, 800 og 1500 frí, umframt B-kravtíðina til luttøku í 200 frí.
Hini eru úttikin sambært regluni hjá FINA um at vit kunnu luttaka við upp til 2 monnum og 2 kvinnum, um færri enn 4 hava klárað kravtíðirnar hjá FINA. Úttøkan er her fyrst og fremst grundað á FINA stig rokkin á langgeil.
You must be logged in to post a comment.