Her eru úrslitini frá svimjistevnuni í Páls Høll í Vági, nú leygardagin 7. og sunnudagin 8. apríl 2018, sum Suðuroyar Svimjfelag skipaði fyri. Ein stevna har vit millum annað fingu eitt nýtt føroyskt met og tvey føroysk juniormet.
Her er innbjóðingin til Aldursbólkameistarastevnuna 2018, sum Ægir og Svimjisamband Føroya skipa fyri í Klaksvíkar Svimjihøll, hin 10. til 12. mai 2018.
Hetta er stevnan sum fyrr æt JM/MU (JuniorMeistarastevnan og Meistarastevnan fyri Ung), sum nú er víðkað til eisini at hava ein seniorbólk.
Juniordreingirnir hjá Havnar Svimjifelag settu í dag stórt nýtt føroyskt met í 4×100 metra blandaðari svimjing á langgeil, tá ið teir á SuSvim-stevnuni í Vági svumu teinin uppá 4:27.12. SuSvim-dreingir áttu metið á 4:32.57, frá SuSvim-stevnuni í februar mánaða.
Teir sum settu metið fyri HS í dag, vóru Óðin Jákupsson (2002, 1:10.41 í 100 rygg), Bartal E. Eidesgaard (2003, 1:15.59 í 100 bringu), Johan N. Dam (2002, 1:02.02 í 100 firvald) og Høgni H. Thomassen (2002, 59.10 í 100 crawl).
Juniordreingirnir hjá Suðuroyar Svimjifelag settu í gjár stórt nýtt føroyskt juniormet í 4×100 metra frísvimjing á langgeil, tá ið teir á SuSvim-stevnuni í Vági svumu teinin uppá tilsamans 4:03.19. Ægir-dreingir áttu nú farna metið á 4:07.21, frá FM á langgeil í fjør.
SuSvim-dreingir juniormet í 4×100 frí
Teir sum settu metið fyri SuSvim í gjár, vóru Bartal Debess (2002, 59.32), Rani Jacobsen (2001, 1:01.07), Rói Bech (2001, 59.17) og Rúni Bech (2002, 1:03.63).
Signhild Joensen setti í gjár nýtt føroyskt met í 100 metra ryggsvimjing á langgeil, tá ið tann kappingin varð avgreidd á SuSvim-stevnuni í Páls Høll í Vági. Signhild átti sjálv nú farna føroyska metið á 1:03.38, frá Danish Open í fjør. Signhild svimur fyri Ægir í Klaksvík.
Her eru úrslitini frá svimjistevnuni í Svimjihøllini í Gundadali, nú fríggjakvøldið hin 23. og leygardagin hin 24. mars 2018, sum Havnar Svimjifelag skipaði fyri.
Tey vóru 86 íðkarar og 22 lið úr 5 feløgum sum kappaðust tilsamans 353 ferðir í 28 kappingum, hesar 3 stevnupartarnar, har SuSvim menn settu føroyskt met í 4×50 blandað, og Róland Toftum føroyskt met í 50 bringu.
Úrslitini síggjast eisini her á livetiming.se
You must be logged in to post a comment.