Svimjisamband Føroya

Íslendska svimjisambandið skipaði í vikuskiftinum fyri Reykjavík International 2023, har eisini ein rúgva av føroyskum svimjarum luttóku. Hóast avbjóðingar við seinkaðari flogferðslu, so vóru úrslitini yvirhøvur góð hjá okkara svimjarum, og svumu tey seg til nógv finalupláss og heiðursmerki.

Róland Toftum (1998) úr Suðuroyar Svimjifelag setti fyri løtu síðani nýtt føroyskt met í 50 metra bringusvimjing á langgeil, tá ið hann á Reykjavík International 2023 svam seg til úrslitið 29.36 sekund. Hann átti sjálvur gamla metið á 29.43 sekund, frá Danish Open í 2017.

Góðu tit øll,

Tykkum til kunningar, so samtykti starvsnevnd SSF í gjárkvøldið at vilja fyrireika luttøku á fylgjandi stevnum í 2023, har Oyggjaleikir sum kunnugt er fráboðað fyrr:

• Danish Open í Brønshøj 1. – 4. apríl 2023 (opin bólkur)
• Akranesleikar á Akranesi 2. – 4. juni 2023 (ung)
• EJM í Beograd 4. – 9. juli 2023 (juniorar)
• NMU í Jönköping 8. – 9. juli 2023 (ung)
• Oyggjaleikir á Guernsey 8. – 14. juli 2023 (opin bólkur)
• HM í Fukuoka 23. – 30. juli 2023 (opin bólkur)
• EM U23 í Dublin 10. – 13. august 2023 (árgang 2001 og yngri)
• World Cup í Berlin í oktober 2023 (opin bólkur)
• NM/NJM í Tartu 1. – 3. desember 2023 (opin bólkur og juniorar)
• EMS í Bucharest 5. – 10. desember 2023 (opin bólkur)

Líggjas Joensen úr Ægir vann fyri løtu síðani gull á Reykjavík International 2023, tá ið hann í 1500 metra frísvimjing á langgeil svam seg til úrslitið 16:47.36, frammanfyri íslendska Magnus Vidir Jónsson á 16:48.78 og slovakiska Richard Urban á 17:15.40.

Lea Osberg Højsted úr Ægir svam seg í kvøld til flott føroyskt met og juniormet í 50 metra bringusvimjing á langgeil, tá ið hon í innleiðandi riðlunum á Reykjavík International 2023 svam næstbestu tíð av øllum, 34.31 sekund.

Íslendska svimjisambandið skipar nú í vikuskiftinum fyri Reykjavík International Swim Meet 2023, har eisini ein rúgva av føroyskum svimjarum fara at luttaka. Startlistin sæst her á SwimRankings, og sum skilst fara tey at stroyma eisini.