Svimjisamband Føroya

EJM-svimjararnir, ið fara at umboða Føroyar í Antwerpen í Belgia til í døgunum 18. – 22. juli 2007 eru:

Elspa Mørkøre FS, Mona Simonsen TS og Guðrun Holm Jacobsen HS

Pál Joensen VS, Dánjal Martin Hofgaard VS og Kári Jóannesarson á Høvdanum FS.

Áftaná morgunvenjingina leygarmorgunin vóru svimjararnir samlaðir í ÍSF-húsinum til ein góðan morgunmat. Við á fundinum var eisini Sølvi Winther Olsen, lækni, ið meistarliga greiddi frá fyri luttakarunum hvussu tey eiga at fyrihalda seg í hitanum undir leikunum á Rhodos.

Á fundinum varð eisini nýggi landsliðsvenjarin og næstform. í  Íslendska Svimjisambandinum.

Sum greitt er áður frá í tíðindaskrivi so er samstarvsavtalað gjørd millum Føroyska og Íslendska svimjisambandið.

Samstarvsavtalan kemur í gildi 1.. aug. 2007 og 1 ár fram. M.a. ber avtalan við sær, at føroyskir svimjarar fáa møguleika, at koma yvir til Ísland at svimja/venja og at íslendsku svimjarar eisini koma til Føroyar. Eisini kemur landsliðsvenjarin til Føroyar at hava landsliðsvenjingar og saman við teimun føroysku venjarunum at leggja lag á. Eisini kemur hann at vitja feløgini.

Alt hetta kemur at vera kunngjørt nærri tá sjálv avtalan er farin at virka og nýggja svimjiárið fer í gongd 1. sept. 2007.

Í miðjuni á myndini situr nýggi landsliðsvenjarin saman við 2. form. í Íslendska- og form. í Føroyska svimjisambandinum, har nýggja samstarvsavtalan verður undirskrivað.

Í samband við tað langtíðarætlan, sum svimjisambandið hevur lagt fram í vár, er landsliðsarbeiðið eisini viðgjørt. Úrslitið av hesi viðgerð er m.a. at vit nú fáa ein landsliðsvenjara, sum ikki er venjari hjá nøkrum ávísum felagi. Hetta meta vit at vera ein fyrimun í dagliga arbeiðinum at menna føroyska svimjing.

Ætlanin er at endurskoða landsliðsarbeiðið og hesum kemur nýggi venjarin at standa fyri.

Svimjisamband Føroya og Svimjisamband Íslands hava nú gjørt samstarvsavtalu fyri komandi árið.

Samstarvið inniber m.a., at landsliðsvenjari í Føroyum verður Brian Marshall, sum er breti, men býr í Íslandi.

Hann hevur royndir sum venjari í nøkur ár, og er í dag knýttur at íslendska svimjisambandinum.

Samstarvið byrjar 1. august, men longu hetta vikuskiftið verður nýggi venjarin í Føroyum og vitjar í samband við, at oyggjaleikaliðið er á venjingarlegu í Tórshavn.

Komandi vikuskifti 1.-3. juni – samlast oyggjaleikaliðið til venjing í svimjihøllini í Tórshavn.

Eftir morgunvenjingina leygarmorgun uml. kl. 09.00 verður morgunábit og kl. 10.00 fer Sølvi Winther Olsen, kommunu- og oyggjaleikalækni, at greiða frá hvussu vit eiga at fyrihalda okkum í hitanum á Rhodos undir leikunum. Avvarandi og venjarar hjá svimjarunum eru vælkomin, at vera við til fyrilesturin hjá Sølva.

Tá hetta er liðugt verður innanhýsis fundur millum oyggjaleikahópin og starvsnevndina um at kortleggja nakrar fastar mannagongdir á oyggjaleikunum.

Kalendarin fyri 2007 – 2012 er at síggja undir “Kalendarar & Kappingarskráir”