Svimjisamband Føroya

Nú er “slutt” við venjing – nú skal av álvara svimjast og tað skjótt!!

Kl. 06.45 syftusøkumorgun (2/7) vera svimjararnir vaktir og kl. 07.00 sita teir við morgunmatarborið. Mannagondin allar dagarnar er løgd soleiðis tilrættis, at tey, ið ikki skulu svimja verða fyrst koyrd út til svimjihylin og finna eitt gott “sitipláss” og síðani verður farið eftir teimun, ið skulu svimja innleiðandi.Tá innleiðandi er av um 12`tíðina verður farið aftur á hotellið at eta og hvíla til finalurnar, ið verða frá kl. 18.30 til 22.00

So verður farið beinleiðis at eta og so undir fjarðarnar sum skjótast.

Hetta verður lívið teir næstu 4 samdøgrini.

Vit koma seinni at hava myndir o.a. at vísa, men nú meðan kappingin gongur verður neyvan tíð til meiri at frætta frá okkum her á heimasíðuni.

Fráferðin hjá føroyska svimjihópinum verður mánadagin, 25. juni 2007 kl. 17.30

Luttakararnir skulu møta á flogvøllinum kl. 15.30

Minnist til passið!!

Vit millumlenda í Kastrup og fara so víðari við sama flogfarið til Rhodos.

Nágreiniliga nær vit vera á RHODOS er ikki lætt at siga, men roknast má við einaferð um 2-3 tíðina..

Vit koma at búgva á IXIAN GRAND HOTEL, ið liggur uml. 6 km. frá sjálvum Rhodos býi. Um tit fara inn á Google og skriva navnið á hotellinum so síggja tit hvar vit búgva.

Tey flestu av okkum hava eina fartelefon, men tað er ikki bíligt at ringja. Um tit vilja hava fatur á okkum so ber til at ringja á fartlf. 214160

Svimjikappingarnar byrja mánamorgunin (2/7)og enda hóskvøldið (5/7) og byrjað verður hvønn morgun kl. 09.00 og finalurnar kl. 18.00.

Annars verða tíðindir at frætta allatíðina í Kringvarpinum og vit fara leypandi at hava okkura tíðindir her á heimasíðuni.

——————

Heimkoman er sett til at vera av Rhodos 8. juli kl. 02.40 (sunnumorgun) t.v.s. beint eftir midnátt í Føroyum. Tíðarmunurin er 2 tímar. Roknast má við uml. 7-8  tímun við millumlendingum so vit vera kanska í Vágunum einaferð tíðliga fyrrapartin sunnudagin. Lat okkum siga fyribils uml. kl. 07.00

Alt hetta verður meiri greitt sum frálíður!!!!

Svimjinevndin boðar til kalendarafund komandi sunnudag, 10. juni kl 10.00. Fundurin verður í Leynum og verða feløgini biðin um at senda í mesta lagið 3 umboð til fundin.

Boðað frá luttøku til Jórun Eið Johannesen á teldupost: jj1605k4@skulin.fo

EJM-svimjararnir, ið fara at umboða Føroyar í Antwerpen í Belgia til í døgunum 18. – 22. juli 2007 eru:

Elspa Mørkøre FS, Mona Simonsen TS og Guðrun Holm Jacobsen HS

Pál Joensen VS, Dánjal Martin Hofgaard VS og Kári Jóannesarson á Høvdanum FS.

Áftaná morgunvenjingina leygarmorgunin vóru svimjararnir samlaðir í ÍSF-húsinum til ein góðan morgunmat. Við á fundinum var eisini Sølvi Winther Olsen, lækni, ið meistarliga greiddi frá fyri luttakarunum hvussu tey eiga at fyrihalda seg í hitanum undir leikunum á Rhodos.

Á fundinum varð eisini nýggi landsliðsvenjarin og næstform. í  Íslendska Svimjisambandinum.

Sum greitt er áður frá í tíðindaskrivi so er samstarvsavtalað gjørd millum Føroyska og Íslendska svimjisambandið.

Samstarvsavtalan kemur í gildi 1.. aug. 2007 og 1 ár fram. M.a. ber avtalan við sær, at føroyskir svimjarar fáa møguleika, at koma yvir til Ísland at svimja/venja og at íslendsku svimjarar eisini koma til Føroyar. Eisini kemur landsliðsvenjarin til Føroyar at hava landsliðsvenjingar og saman við teimun føroysku venjarunum at leggja lag á. Eisini kemur hann at vitja feløgini.

Alt hetta kemur at vera kunngjørt nærri tá sjálv avtalan er farin at virka og nýggja svimjiárið fer í gongd 1. sept. 2007.

Í miðjuni á myndini situr nýggi landsliðsvenjarin saman við 2. form. í Íslendska- og form. í Føroyska svimjisambandinum, har nýggja samstarvsavtalan verður undirskrivað.