Her eru úrslitini frá svimjistevnuni “SuSvim Open Mai 2023”, sum Suðuroyar Svimjifelag skipaði fyri í Páls Høll í Vági, nú leygardagin 20. og sunnudagin 21. mai 2023. Sí eisini livetiming.se, swimify.com og swimrankings.net
Hagtøl
Alt í alt svumu 72 íðkarar og 15 lið úr 5 feløgum seg til 465 úrslit í 38 kappingum, hesar báðar dagarnar í Vági.
Bestu avrik
Vár E. Eidesgaard (2001) úr Havnar Svimjifelag megnaði besta avrik av øllum, tá ið hon í 200 frí svam seg til úrslitið 2:05.81 og 724 FINA stig.
Róland Toftum (1998) úr Suðuroyar Svimjifelag megnaði besta avrik millum menn, tá ið hann í 100 bringu svam seg til 1:06.09 og 637 FINA stig.
Juniormet
Isak Brisenfeldt (2006) úr Havnar Svimjifelag setti nýtt føroyskt juniormet, við at svimja 2:10.86 í 200 firvald, har metið hjá Óla Mortensen frá 2014 var 2:11.04.
Heiðursmerkjabýti
| Felag | Gull | Silvur | Bronsa |
| HS | 16 | 15 | 9 |
| Ægir | 11 | 9 | 8 |
| SuSvim | 7 | 3 | 10 |
| FS | 5 | 7 | 7 |
| FLOT | – | 1 | – |
