Svimjisamband Føroya

Nú fleiri enn 1000 fólk hava prógvað seg sum svimjarar, við at klára at svimja 200 metrar uttan íhald ella hjálpitól, so er tað merkisvert at 100 av hesum gjørdu tað í svimjihøllini í Sørvági. Bæði tí at tað er 10% av øllum sum kláraðu royndina, og hartil eini 8% av øllum íbúgvum í Sørvágs kommunu.

Eitt annað merkisvert tal, er at allir næmingarnir hava klárað hesar 200, sum ganga í fimtaflokki í Sørvágs skúla. Tað er tann árgangur sum vit plaga at spyrja um svimjihug- og førleika, tá ið tann kanningin er, og har tað í 2018 vóru bara 43.3% av øllum næmingum í Føroyum sum kláraðu hetta sama.

Her eru nakrar myndir frá svimjiførleikatiltaki í Sørvági í dag

Í dag upprann dagurin tá ið tilsamans 1000 fólk hava prógvað seg at klára at svimja 200 metrar, í svimjiførleikaátakinum sum Svimjisambandi Føroya byrjaði hin 3. desember, har sjálvur Løgmaður var fyrsti svimjari.