Svimjisamband Føroya

Ægir betraði í kvøld aftur nógv um føroyska juniormetið í 4×100 metra frísvimjing fyri mix-lið, tá ið tey í finaluni á Atlantic Open 2022 svumu seg til silvur við tíðini 4:02.38. Metið var 4:10.64 hjá Ægir frá innleiðandi riðlunum í morgun, sum tá var stór betring í mun til 4:14.26 frá hesi somu stevnu í fjør. Sí úrslitalistan her

Tey sum svumu fyri Ægir í kvøld, vóru:

• Lea Osberg Højsted (2008) 1:05.41
• Líggjas Joensen (2008) 58.60
• Heini M. Askham (2006) 56.45
• Róa Trygvadóttir (2008) 1:01.92

Ægir settu fyri løtu síðani flott nýtt føroyskt juniormet í 4×100 frísvimjing fyri mix-lið, tá ið tey í innleiðandi riðlunum á Atlantic Open 2022 í Páls Høll svumu seg til úrslitið 4:10.64. Ægir áttu eisini nú farna juniormetið, á 4:14.26 frá Atlantic Open í fjør. Sí úrslitalistan her

Tey fýra sum svumu hetta juniormetið, vóru:

• Jonna Joensen (2005) 1:04.70
• Lea Petersen (2009) 1:09.48
• Heini M. Askham (2006) 57.44
• Líggjas Joensen (2008) 59.02

Her er stroyming frá Atlantic Open 2022, sum Svimjisamband Føroya og Suðuroyar Svimjifelag skipa fyri í Páls Høll í Vági nú 23. til 25. apríl 2022. Beinleiðis úrslit síggjast eisini her á livetiming.se

Stevnupartarnir eru

• 1. partur: Leygardag 23. apríl frá kl 17:00 – Innleiðandi og beinleiðis finalur
• 2. partur: Sunnumorgun 24. apríl frá kl 09:00 – Innleiðandi og beinleiðis finalur
• 3. partur: Sunnudag 24. apríl frá kl 17:00 – Finalur
• 4. partur: Mánamorgun 25. apríl frá kl 09:00 – Innleiðandi og beinleiðis finalur
• 5. partur: Mánadag 25. apríl frá kl 15:00 – Finalur