Nú dagurin er her, og hetta átak hevur verið í gongd síðani mikudagin, so eru nakrar viðmerkingar komnar til hetta ymiska, harav onkur enntá fleiri ferðir. At lista upp her, har okkurt kanska kemur afturat í leypi av degnum í dag og seinni …
So er hann her, altjóða druknivanlukkufyribyrgingardagurin 2022. Tunlarnir eru longu farnir í blátt, og aðrir bygningar fara væntandi at lýsa blátt í kvøld. Svimjisambandið hevur bás í SMS, har eisini umboð fyri Betri eru í dag.
Fylgið við serliga á Facebook-síðuni hjá SSF
Hesa komandi vikuna verður ljós varpað á altjóða dagin til fyribyrging av druknivanlukkum, sum Sameindu Tjóðir hevur ásett at vera á hvørjum ári hin 25. juli. Eitt kunningarátak verður sjósett við sergjørdari heimasíðu sum miðdepli, og blátt ljós fer at lýsa upp bygningar og tunlar runt landið.
Svimjisamband Føroya fekk herfyri tillutað eitt venjaraskeið frá altjóða svimjisambandinum FINA, at verða í Tórshavn vikuskiftið hin 16. til 18. september 2022. Hetta er skeið sum tað vit høvdu í 2018, har luttakararnir tá verða FINA góðkendir hjálparvenjarar, við møguleika at síðani víðariútbúgva seg til venjara og høvuðsvenjara.
Sí skeiðslýsingina her. Undirvísarin verður italski Walter Bolognani, sum nú í mong ár hevur verið høvuðsvenjari hjá italsku junior- og ungdóms-landsliðunum. Undirvíst verður á enskum, og er tað hugsandi at onkur útlendingur kemur hendan vegin, eins og í 2018.
Sjálvt skeiðið er ókeypis, tó við kostnaða fyri mat og uppihald. Gevið gætur, at tilmeldingarfreistin er longu nú hin 25. juli 2022, tá ið luttakararnir skulu vera liðugt skrásettir í skipanini hjá FINA, m.a. tí at online-parturin byrjar hin 16. august.
Áhugaði verða biðin um at venda seg til sítt svimjifelag, ella beinleiðis til SSF á tlf 607559 ella við telduposti til ssf@ssf.fo
Í morgin byrjar Norðurlendska Meistarastevnan fyri Ung 2022, sum í ár er í Tallinn í Estonia. Úr Føroyum luttaka átta svimjarar, og verður stevnan stroymað á YouTube. Sí luttøkuna í viðfestu fílu.
Póllendingurin, Maciek Hampel, er nýggjur høvuðsvenjari hjá Havnar Svimjifelag. Starvið varð lýst leyst í mars og 18 umsøkjarar vóru, tá freistin var farin.
You must be logged in to post a comment.