Her er innbjóðing til svimjistevnu sum Havnar Svimjifelag skipar fyri í Svimjihøllini í Gundadali, fríggjakvøldið 12. og leygardagin 13. desember 2025. Sum nakað serligt, lovar HS gávukort á 1000 kr til tann ið klárar at seta føroyskt met á hesari stevnu.
Í morgin ári byrjar EM á stuttgeil 2025, sum í ár er í Lublin har eysturi í Póllandi, frá týsdegi 2. til sunnudag 7. desember 2025. Tey eru eini 533 svimjarar úr 45 londum, har í millum 4 úr Føroyum. Sí startlistar og úrslit her hjá European Aquatics
Íslendingar skipa nú í vikuskiftinum fyri Norðurlendsku Meistarastevnuni og JuniorMeistarastevnuni 2025, í Laugardalslaug í Reykjavík. Úr Føroyum luttaka 10 svimjarar, íroknað 2 para-svimjarar, og sær tað út til at møguleikin fyri heiðursmerki er heilt hampuliga góður. Sí startlistarnar her á Swimify
FS-stevnan sum eigur at verða leygardagin 29. november 2025, er avlýst vegna arbeiði uttanfyri høllina.
Íðkaranevnd SSF skipaði í gjár fyri ársins gallaveitslu á Hotel Norð á Viðareiði, har millum annað ársins heiðrar 2025 vórðu kunngjørdir. Afturvendandi eru ársins svimjarar og ársins stjørnuskot, og afturat teimum høvdu íðkaranevndin skipað fyri eini røð av heiðrum afturat.
Her eru úrslitini frá FøroyaMeistarstevnuni og JuniorMeistarastevnuni 2025, sum Ægir og Svimjisamband Føroya skipaðu fyri í Klaksvíkar Svimjihøll, nú 7. til 8. november 2025. Sí eisini úrslitini her á Swimify og her á SwimRankings
You must be logged in to post a comment.