Svimjisamband Føroya

Lea Osberg Højsted (2008, Ægir) setti fyri løtu síðani nýtt føroyskt met og juniormet í 50 metra bringusvimjing á langgeil, tá ið hon á Swim Open Tórshavn í Svimjihøllini í Gundadali svam seg til úrslitið 33.11 sekund. Hon átti sjálv føroyska metið á 33.29, frá Danish Open fyrr í apríl. Sí úrslitalistan her á Swimify

Ætlanin er at stroyma frá Swim Open Tórshavn, á YouTube-rásini hjá Svimjisambandi Føroya. Sí eisini úrslitini so hvørt á Swimify

Í morgun byrjar stóra svimjistevnan Swim Open Tórshavn 2025, sum Havnar Svimjifelag skipar fyri í Svimjihøllini í Gundadali, her at enda í kravtíðarskeiðnum til altjóða meistarastevnur í summar. Sí luttakaralistan eisini her á Swimify

Her eru úrslitini frá svimjistevnuni sum Havnar Svimjifelag skipaði fyri í Svimjihøllini í Gundadali, nú leygardagin hin 12. apríl 2025. Hetta var stevna fyri okkara yngstu aldursbólkar. Úrslitini síggjast eisini her á Swimify

Her er innbjóðingin til Aldursbólkameistarastevnuna 2025 (ABMS 2025), sum verður í Svimjihøllini í Gundadali hin 10. og 11. mai 2025.

Orsaka, tað vísir seg at Lea Osberg Højsted (2008, Ægir) setti eitt sett av metum afturat á Danish Open 2025, so at hon tilsamans setti seks føroyskt met og seks føroyskt juniormet, hesar fýra dagarnar í Bellahøj.

Yvirsædda settið av metum, var í finaluni í 100 metra bringusvimjing, har hon við splitt-tíðini 33.71 aftaná fyrstu 50 metrarnar, setti føroyskt met og juniormet eisini í 50 metra bringusvimjing. Sí úrslitalistan her á Swimify

Metini hjá Leu vóru sostatt í tíðarrað, og hvørja ferð bæði føroyskt met og juniormet:

• 1:12.91 í innleiðandi 100 bringu – hon átti sjálv metini á 1:14.06
• 33.71 í 50 bringu í B-finalu í 100 bringu – hon átti sjálv metini á 33.88
• 1:12.48 í B-finalu í 100 bringu – hon átti sjálv metini á 1:12.91
• 33.29 í innleiðandi 50 bringu – hon átti sjálv metini á 33.71
• 2:38.74 í innleiðandi 200 bringu – hon átti sjálv metini á 2:39.27
• 2:36.32 í A-finalu í 200 bringu – hon átti sjálv metini á 2:38.27

Vónandi rætt nú. Og ikki so, at seta tvær ferðir bæði føroyskt met og føroyskt juniormet í øllum trimum bringugreinum, yvir fýra dagar 🙂