Her eru úrslitalistar og -fílur frá svimjistevnuni nú í vikuskiftinum, sum Ægir skipaði fyri í Klaksvíkar Svimjihøll. Jana Bjartalíð Thomsen setti nýtt føroyskt juniormet í 200 firvald, og Ægir-gentur settu nýtt føroyskt juniormet í 4×100 blandað.
Ægir-gentur settu í gjár nýtt føroyskt juniormet í 4×100 blandað á stuttgeil, tá ið tær á Ægir-stevnuni í Klaksvíkar Svimjihøll svumu hendan tein uppá tilsamans 4:26.18. Hetta var eisini nóg gott til ruddiliga at vinna hesa kapping, á Ægir-stevnuni. Tær fýra vóru Signhild Joensen (rygg), Ásbjørg Hjelm (bringu), Jana B. Thomsen (firvald) og Barbara Debes (frí).
Eitt annað sett av Ægir-gentum áttu gamla juniormetið á 4:27.59, frá FM/JM 2011. Tá vóru tær Birita Debes (rygg), Turið S. Christiansen (bringu), Óluva Jacobsen (firvald) og Cecilia W. Eysturdal (frí).
Rannvá Sigfríðsdóttir eigur myndina.
Jana Bjartalíð Thomsen úr Ægir setti í gjár stórt nýtt føroyskt juniormet í 200 metra firvaldasvimjing á stuttgeil, tá ið hon á Ægir-stevnuni í Klaksvík svam teinin uppá 2:22:64. Sára R. Nysted (2001), SuSvim átti juniormetið á 2:24.04, frá FM á stuttgeil 2016.
Besta tíð hjá Janu sjálvari var 2:24.61 áðrenn hetta, frá HS-stevnu í september mánaða. Morensa Bjartalíð eigur myndina.
Svimjisamband Føroya hevði fríggjakvøldið hin 21. oktober 2016 sín árliga aðalfund, í ÍSF-húsinum í Gundadali. Á skránni var útyvir formansfrágreiðing og framløga av roknskapinum, eisini val av nevndarlimum, har Katrin H. Sørensen og Sørin S. Djurhuus stóðu fyri vali, umframt formaðurin Rókur í Jákupsstovu. Øll trý vórðu afturvald.
Her eru startlistarnir til svimjistevnuna sum Ægir skipar fyri, í Klaksvíkar Svimjihøll nú leygardagin og sunnudagin hin 22. – 23. oktober 2016.
Her er innbjóðing og tilmeldingarfíla til svimjistevnu fyri okkara yngru aldursbólkar 2 og 3, í svimjihøllini í Leirvíkar skúla, leygardagin hin 29. oktober 2016. Tað eru gentur føddar í 2005 til 2008 og dreingir føddir í 2004 til 2007.
You must be logged in to post a comment.