Her eru úrslitalistarnir frá Føroya Opnu Masters Meistarastevnu 2016, sum var í Klaksvíkar Svimjihøll nú leygardagin hin 12. november. Hetta var sjeyndu ferð at mastersnevndin hjá Svimjisambandi Føroya saman við Ægir og høllini í Klaksvík skipaði fyri hesum FM fyri ‘oldboys’ og ‘oldgirls’, síðani fyrsta stevna var í 2010.
Her er innbjóðing til svimjistevnu í svimjihøllini í Fuglafjarðar skúla, sum Fuglafjarðar Svimjifelag skipar fyri leygardagin hin 26. november 2016. Tað er stevna fyri okkara yngru aldursbólkar.
Her er innbjóðing til svimjistevnu í Gundadali, leygardagin 19. og sunnudagin 20. november 2016, sum Havnar Svimjifelag skipar fyri. Hetta er síðsta stevna har kravtíð kann klárast til HM á stuttgeil og NM/NJM í vetur, og hartil næsta stevna av fýra har kravtíð kann klárast til Oyggjaleikir 2017.
Svimjiskúlin bjóðar nú leygardagin hin 12. november 2016 fyri grundskeiði í Merkjaskipanini, í Tofta skúla. Skeiðið fatar um 5 tey fyrstu merkini í Merkjaskipanini, sum er okkara boð uppá undirvísingarskipan til at læra børn at svimja, við støði í norska svimjiskúlanum. Undirvísarar verða Rúni Gaardbo og Pálin Olsen. Pláss er fyri 16 luttakarum. Sí skeiðslýsingina her.
Hetta vikuskiftið er yvirdómaraskeið í Havn, har onkur snøkil fæst uppá pláss hjá teimum sum tóku yvirdómaraútbúgving í apríl 2015, umframt at tey saman leggja til rættis okkara egnu dómaraútbúgving. Á skeiði eru Annika Næs Johannesen, Thurid Kjærbo, Katja Keles og Rúni Gaardbo, umframt Elin Matras og Dann Hjelm sum tóku yvirdómaraútbúgving í 2006. Skeiðsleiðari er Svend Sander úr DGI, og fyriskipari Dann Hjelm vegna SSF.
Yvirdómaraskeið í Tórshavn 4. – 6. november 2016. Dann Hjelm eigur myndina.
Her er úrslitalistin frá svimjistevnuni sum Reysti skipaði fyri í svimjihøllini í Leirvíkar skúla, nú leygardagin hin 29. oktober 2016.
You must be logged in to post a comment.