Svimjisamband Føroya

Elisabeth Erlendsdóttir (2005, HS) megnaði í dag at vinna gull á Oyggjaleikum 2025, við flottum nýggjum føroyskum meti og oyggjaleikameti á 1:00.26. Signhild Joensen átti føroyska metið á 1:00.50, frá NM í Reykjavík í 2027. Sí úrslitalistan her

Isak D. Brisenfeldt (2006, HS) megnaði í dag at vinna sær silvurheiðursmerki á Oyggjaleikum 2025, tá ið hann í 100 metra firvaldasvimjing svam seg til úrslitið 54.72. Besta tíð hjá Isaki nakrantíð, er 53.67 frá FMS 2024. Sí úrslitalistan her

Elisabeth Erlendsdóttir (2005, HS) megnaði nú á døgverða at seta nýtt føroyskt met í 50 metra ryggsvimjing á stuttgeil, tá ið hon í innleiðandi riðlunum á Oyggjaleikum 2025, sum fyrsti svimjari hjá okkum í 4×50 blandað fyri kvinnur, svam seg til úrslitið 28.45. Hon átti sjálv føroyska metið á 28:49, frá Oyggjaleikum á Guernsey í 2023.

Bartal E. Eidesgaard (2003, HS) megnaði fyri løtu síðani at seta stórt nýtt føroyskt met í 50 metra bringusvimjing, tá ið hann í innleiðandi riðlunum á Oyggjaleikum 2025 svam seg til úrslitið 27.93. Róland Toftum átti metið á 28.30, meðan besta tíð hjá Bartali var 28.38 áðrenn hetta, frá NM 2023. Bartal er sostatt eisini fyrsti føroyingur nakrantíð undir 28 sekund í 50 bringu. Sí úrslitalistan her

Fyrsti dagur er farin afturum á svimjistevnuni á Oyggjaleikum 2025, og gekk tað bara heilt gott hjá okkara svimjarum. Eini tvey føroysk met varð tað til, umframt tvey føroysk landsliðsmet, eitt føroyskt juniormet og tvær gull, tríggjar silvur og tríggar bronsur

• 1500 frí menn – Líggjas gull og Silas bronsu
• 400 blandað kvinnur – Jóhanna nr 5
• 200 firvald menn – Isak gull, Silas nr 6
• 100 firvald kvinnur – Jóhanna nr 5
• 100 bringa menn – Bartal silvur og føroyskt met, Jón nr 4
• 50 bringa kvinnur – Lea bronsu og føroyskt met og juniormet
• 50 rygg menn – eingin føroysk luttøka
• 200 frí kvinnur – Alisa silvur
• 200 blandað menn – Isak silvur
• 4×50 frí kvinnur – Føroyar bronsu og føroyskt landsliðsmet
• 4×50 blandað menn – Føroyar nr 4 og føroyskt landsliðsmet

Føroysku kvinnurnar megnaði í dag at vinna bronsu og seta føroyskt landsliðsmet á Oyggjaleikum 2025, tá ið tær í 4×50 frí svumu seg til úrslitið 1:46.71. Landsliðsmetið var 1:46.77 frá í morgun, og áðrenn tað 1:46.86 frá Oyggjaleikum á Gibraltar í 2019. Sí úrslitalistan her