Svimjisamband Føroya

Bartal E. Eidesgaard (2003, HS) megnaði í dag at seta stórt føroyskt met í 100 metra frísvimjing á stuttgeil, tá ið hann í finaluni á Oyggjaleikum 2025 svam seg til bronsuheiðursmerki við úrslitinum 49.27. Hann átti sjálvur føroyska metið á 49.95, frá NM á stuttgeil í 2024. Sí úrslitalistan her

So eru vit komin í helvt við svimjistevnuni á Oyggjaleikum 2025, og gongur tað bara heilt gott hjá okkara svimjarum. Eini tvey gullheiðursmerki varð tað til í dag, umframt tríggjar silvur og eina bronsu, umframt fýra føroysk met, tvey føroysk landsliðsmet og tvey oyggjaleikamet.

• 1500 frí kvinnur – Jonna nr 6
• 400 blandað menn – Silas nr 4
• 200 bringa kvinnur – Lea nr 4
• 100 firvald menn – Isak silvur
• 100 rygg kvinnur – Elisabeth gull og føroyskt met og oyggjaleikamet
• 50 bringa menn – Bartal silvur og føroyskt met
  – Bartal setti eisini føroyskt met í innleiðandi riðlunum
• 50 firvald kvinnur – eingin føroyskt luttøka í finaluni
• 200 frí menn – Líggjas bronsu
• 200 blandað kvinnur – eingin føroyskt luttøka í finaluni
• 4×50 frí menn – Mennirnir silvur og føroyskt landsliðsmet, umframt at Bartal setti føroyskt met í fyrstu 50 frí
• 4×50 frí kvinnur – Kvinnurnar gull og føroyskt landsliðsmet, umframt at Elisabeth setti føroyskt met og oyggjaleikamet í fyrsti 50 rygg
  – Elisabeth setti eisini føroyskt met í innleiðandi riðlunum

Føroysku kvinnurnar vunnu í kvøld gull og settu stórt landsliðsmet í 4×50 blandað, tá ið tær í finaluni á Oyggjaleikum 2025 svumu seg til samlaða úrslitið 1:54.49. Hartil setti Elisabeth Erlendsdóttir (2005, HS) sum fyrsti svimjari flott føroyskt met og oyggjaleikamet við tíðini 28.03 í 50 rygg. Landsliðsmetið var 1:57.06 frá Oyggjaleikum á Jersey í 2015, meðan Elisabeth átti metið í 50 rygg frá í morgun á 28.45. Sí úrslitalistan her

Føroysku harrarnir settu í kvøld nýtt føroyskt landsliðsmet í 4×50 frí, tá ið teir í finaluni á Oyggjaleikum 2025 svumu seg til úrslitið 1:32.65. Hartil setti Bartal E. Eidesgaard (2003, HS) sum fyrsti svimjari nýtt føroyskt met í 50 metra frísvimjing, tá ið hann svam seg til úrslitið 22.77. Landsliðsmetið var 1:33.24 frá Oyggjaleikum á Jersey í 2015, og føroyska metið í 50 frí 22.83 hjá Bartali sjálvum frá FM á stuttgeil 2024. Sí úrslitalistan her

Líggjas Joensen (2008, Ægir) megnaði í dag at vinna bronsu í 200 metra frísvimjing á Oyggjaleikum 2025, tá ið hann í finaluni svam seg til úrslitið 1:49.71. Besta tíð hjá honum nakrantíð, er 1:47.80 frá DM fyri lið 2024. Sí úrslitalistan her

Bartal E. Eidesgaard (2003, HS) megnaði aftur í kvøld at seta flott føroyskt met í 50 metra bringusvimjing, tá ið hann í finaluni á Oyggjaleikum 2025 svam seg til silvur við úrslitinum 27.83. Hann átti sjálvur metið á 27.93, frá innleiðandi riðlunum í morgun. Sí úrslitalistan her