Her er offisielli úrslitalistin frá FM á stuttgeil 2017, sum var í Svimjihøllini í Gundadali nú um vikuskiftið, 3. til 5. november 2017. Hartil yvirlit yvir heiðursmerki og met.
Svimjihøllin í Gundadali verður nú um vikuskiftið karmur um árligu FøroyaMeistarastevnuna á stuttgeil, sum samstundis er avgerandi fyri úttøku til NM/NJM og EM á stuttgeil í desember. Kringvarp Føroya sjónvarpar allar tríggjar finalupartar, frá kl 17:00 til 19:00, fríggjadag 3. til sunnudag 5. november 2017.
Svimjisamband Føroya var herfyri vertur fyri árliga fundinum hjá Nordic Life Saving Group, og valdi tá heldur serstakt at hava fundin í Koltri. Hetta var fyrstu ferð at ein slík ráðstevna hevur verið fyriskipað í Koltri, og gjørdist tað ein ógloymandi túrur hjá øllum luttakarum.
Starvsnevnd SSF ásetti í august kravtíðirnar til NJM, NM og EMS 2017, sum lýst í viðfesta skrivi. Norðurlendska Meistarastevnan og JuniorMeistarastevnan verður í Reykjavík í Íslandi hin 1. til 3. desember 2017, meðan EvropaMeistastevnan á Stuttgeil verður í Keypmannahavn í Danmark hin 13. til 17. desember 2017.
Aðalfundur í Svimjisambandi Føroya verður í ÍSF-húsinum leygardagin hin 7. oktober 2017 frá kl 13:00.
Skrá sambært lóg SSF. Svimjisamband Føroya.
Svimjisamband Føroya skipaði í gjár fyri kalendarafundi í Havn, við luttøku av øllum feløgum umframt sjálvsagt SSF. Á skránni var tilrættisleggjan av kalendaranum fyri svimjiárið 2017-2018, har størstu broytingar eru at FM á stuttgeil nú er í november, og at vit ætla at hava svimjistevnur á Tvøroyri og í Kollafirði.
You must be logged in to post a comment.