Svimjisamband Føroya skipaði nú í vikuskiftinum fyri ráðstevnu í Gjáargarði við Gjógv, fyri nevndarlimum í SSF og føroysku svimjifeløgunum, umframt umboðum fyri Svimjiskúla Føroya. Hetta gjørdist nakrir sera produktivir dagar, við fokus á serliga tað sum skal gerast hetta komandi árið og fram til summarið 2019.
Her eru úrslitini frá Suðuroyar Sparikassa stevnuni nú 24. og 25. februar 2018, sum Suðuroyar Svimjifelag skipaði fyri í Páls Høll í Vági. Tilsamans vóru tey 86 íðkarar og 29 lið úr 5 feløgum sum kappaðust 564 ferðir í 36 kappingum, og fingu vit m.a. 4 nýggj føroysk juniormet og 1 nýtt føroyskt met.
Úrslitini síggjast eisini her á livetiming.se, umframt skjótt á SwimRankings
Dreingjaliðið hjá SuSvim setti í dag stórt nýtt føroyskt juniormet í 4×100 metra blandaðari svimjing á langgeil, tá ið teir á Suðuroyar Sparikassa stevnuni í Páls Høll í Vági svumu teinin uppá 4:32.57. FLOT átti metið áðrenn hetta, á 4:54.95 frá FM á langgeil í fjør.
SuSvim-dreingir í Páls Høll. Yvonna Toftum eigur myndina.
Teir sum svumu fyri SuSvim, vóru:
Sí úrslitalistan her
Vár Erlingsdóttir Eidesgaard setti fyri løtu síðani nýtt føroyskt juniormet í 50 metra firvaldasvimjing á langgeil, tá ið hon á Suðuroyar Sparikassa stevnuni í Páls Høll í Vági svam teinin uppá 28.54 sekund. Sí úrslitalistan her.
Vár átti sjálv nú farna juniormetið á 28.80 sekund, frá SuSvim-stevnu í mars mánaða í fjør. Astrið Foldarskarð eigur føroyska metið á 28.29 sekund, frá Danish Open í 2014.
Vár er árgang 2001 og svimur fyri Havnar Svimjifelag.
Vár í Páls Høll. Erling Eidesgaard eigur myndina.
Vár Erlingsdóttir Eidesgaard setti fyri løtu síðani stórt nýtt føroyskt met og juniormet í 100 metra frísvimjing á langgeil, tá ið hon á Suðuroyar Sparikassa stevnuni í Vági svam teinin uppá 58.12 sekund. Sára Ryggshamar Nysted átti nú farnu metini á 58.67 sekund, frá Reykjavík International í januar 2016. Besta tíð hjá Vár var 59.17 áðrenn hetta, frá FM á langgeil í fjør. Vár svimur fyri Havnar Svimjifelag.
Vár í Páls Høll. Erling Eidesgaard eigur myndina.
Vár Erlingsdóttir Eidesgaard setti fyri løtu síðani flott nýtt føroyskt juniormet í 50 metra frísvimjing á langgeil, tá ið hon á Suðuroyar Sparikassa stevnuni í Páls Høll í Vági svam teinin uppá 27.17 sekund.
Vár í Páls Høll. Erling Eidesgaard eigur myndina.
You must be logged in to post a comment.