Her eru úrslitini frá svimjistevnuni í svimjihøllini í Leirvík í dag, leygardagin hin 2. mars 2019, sum svimjifelagið Reysti skipaði fyri. Hetta var kapping fyri okkara yngstu aldursbólkar, 1, 2 og 3.
Úrslit í html-sniði: reysti-mars-2019-urslit.html
Forsetarnir báðir í evropeiska svimjisambandinum LEN og evropeiska lívbjargingarsambandinum ILSE hava undirskrivað eina felagslýsing (eitt “memorandum of understanding”), at í felag vilja virka fyri at betra um svimjiførleikan í Evropa, til á tann hátt at minka um talið av druknivanlukkum.
Sambært WHO drukna 27000 fólk árliga í Evropa, ella 3 um tíman, harav flestu eru børn millum 3 og 12 ár. LEN sjósetti tí í 2017 átakið “Getting Europe Swimming Safely”, seinni kallað “Learning to Swim, Prevent Drowning”, sum ILSE nú eisini formliga stuðlar.
Fyri okkum føroyingar er hetta serliga viðkomandi, tí at vit longu tá í 2017 bjóðaðu okkum fram sum pilotland, og tí sum eitt av fýra pilotlondum eru við í arbeiðsbólkinum. Til nú hevur tað verið mest fyrireikandi ráðlegging, men hendir vónandi okkurt spennandi nú innan alt ov leingi.
Lesið tíðindini her hjá LEN og her hjá ILSE
Eg gjørdi tíverri eitt mistak, sunnudagin, at yvirsíggja útisetarnar báðar, Óla Mortensen og Alva Hjelm, í sambandi við úttøku til Bergen Swim Festival 2019, hóast at teir vóru rættstundis fráboðaðir at hava klárað kravtíð. Tað vil siga, at har áttu at verið 16 svimjarar úttiknir:
Teir báðir Óli og Alvi velja tó mest sannlíkt heldur at kappast við danska felagi sínum ‘á heimabana’ á Danish Open 2019, sum er sama vikuskifti sum Bergen Swim Festival 2019. Men orsaka allíkavæl.
Rókur
HS-dreingir settu í dag nýtt føroyskt juniormet í 4×100 metra frísvimjing á langgeil, tá ið teir á SuSvim Open svumu teinin uppá 3:55.27.
Ægir átti føroyska juniormetið á 3:57.26 frá FM á langgeil í fjør.
Teir fýra úr Havnar Svimjifelag vóru Jóhannis Erlendsson (2003), Johan Nónskarð Dam (2002), Jónas Lindenskov Schiller (2003) og Bartal Erlingsson Eidesgaard (2003)
Her eru úrslitini frá svimjistevnuni SuSvim Open 2019, sum Suðuroyar Svimjifelag skipaði fyri í Páls Høll í Vági, nú leygardagin og sunnudagin hin 23. og 24. februar 2019. Úrslitini síggjast eisini her á livetiming.se og her á SwimRankings.
Tilsamans vóru tey 97 íðkarar og 18 lið úr 6 feløgum sum kappaðust 601 ferðir í 36 kappingum, hesar báðar dagarnar í Vági.
Suðuroyar Svimjifelag skipar nú í vikuskiftinum fyri “SuSvim Open 2019” í Páls Høll í Vági, sum millum annað er síðsta freist her heima at klára kravtíð til Bergen Swim Festival 2019. Her niðanfyri eru startlistarnir, sum eisini síggjast her á livetiming.se
You must be logged in to post a comment.