Góðu svimjifeløg
Um nakar skuldi ivast, so taka vit í Svimjisambandi Føroya sjálvsagt fult undir við tilmæli ÍSF um at steðga við øllum ítróttarvirksemi í fyribils tvær vikur, sum lýst á heimasíðum ÍSF og SSF:
Tað vil siga eingin venjing, eingin kapping og ongi tiltøk annars har menniskju møtast, óansæð aldursbólk ella støði.
Ítróttasamband Føroya heitir á feløg og sambond innan ÍSF um fyribils at steðga øllum ítróttavirksemi í tvær vikur, eftir at Coronatiltøkini eru herd
Venjingar, dystir, kappingar og annars øll tiltøk í føroyska ítróttaheiminum – bæði innandura og uttandura – eiga at steðga fyribils í tvær vikur í øllum deildum og aldursbólkum.
Hesa áheitan sendir ÍSF ítróttafeløgum og sambondum, eftir at landsstýrið hevur hert corona-tiltøkini fyri at minka um smittavandan av corona/covid-19.
– Vit hava øll møguleika at taka ábyrgd, tí hvør einstakur kann gera sítt til at minka um smittuvandan. Eg heiti staðiliga á føroyska ítróttaheimin um, at taka støðuna í størsta álvara. Um vit vísa samfelagssinni og rættan hugburð, so megna vit nógv í hesi truplu støðu.
– Føroyskur ítróttur skal undir ongum umstøðum verða ein smittukelda. Við at steðga á nú, bindur føroyski tróttaheimurin um heilan fingur og er við til at basa smittuni, sigur Elin Heðinsdóttir Joensen, ÍSF-forseti.
Vinaliga
Ítróttasamband Føroya
Ikki óvæntað, so hava danir nú valt at avlýsa Danish Open 2020, ið sum kunnugt er fremsta úttøkustevna hjá dønum og harvið eisini føroyingum til Olympisku Leikir í Tokyo í summar.
Noget af det, som mange for øjeblikket har fokus på, er Danish Open/DMJ. Denne event aflyses.
Kelda: svoem.org
Vi ved, at det sætter mange tanker og bekymringer i gang. Her må vi blot understrege, at vi er i tæt kontakt med såvel FINA, Danmarks Olympiske Komité (DIF) og Team Danmark for at danske svømmere vil få mulighed for at kvalificere sig til sæsonens internationale mesterskaber – her ikke mindst OL.
Boð frá Havnar Svimjifelag júst nú
Orsakað av Corona, hava vit valt at avlýsa stevnuna, ið skuldi vera í Havn nú um vikuskiftið.
Starvsnevnd SSF hevur samtykt at taka út hesar svimjarar til Danish Open 2020, sum verður í Taastrup í Danmark hin 28. mars til 1. apríl 2020.
Hetta eru allir teir svimjarar sum kláraðu ásettu kravtíðir innan kravtíðarskeiðið.
Og hetta er sjálvsagt við fyrivarni fyri at til ber at fara til hesa stevnu, nú corona-sóttin herjar um allan heimin.
Venjarar og ferðaleiðarar verða kunngjørdir seinni.
Vegna starvsnevnd SSF
Rókur
Starvsnevnd SSF hevur samtykt at taka út hesar svimjarar til Evropameistarastevnuna á langgeil 2020, sum verður í Budapest í Ungarn hin 11. til 17. mai 2020.
Hetta er sjálvsagt við fyrivarni fyri at til ber at fara til hesa Evropameistarastevnu, nú corona-sóttin herjar um allan heimin.
Venjari og ferðaleiðari verða kunngjørd seinni.
Vegna starvsnevnd SSF
Rókur
You must be logged in to post a comment.