Litavar hava júst fráboðað, at Norðurlendska Meistarastevnan fyri Ung 2020 er avlýst, sum annars skuldi verða í Kaunas í Litava hin 11. og 12. juli 2020. Hetta vegna koronasóttina sum herjar um heimin.
Altjóða svimjisambandið FINA hevur fráboðað at HeimsMeistarastevnan á langgeil 2021 verður flutt til hin 13. til 29. mai 2022, sum annars skuldi verða í juli/august 2021. Hetta vegna støðuna við koronasótt sum herjar um heimin. Staðurin verður hin sami, Fukuoka í Japan.
Góðu tit øll
Her er nýggj innbjóðing til Aldursbólkameistarastevnuna 2020, sum nú útsett til hin 30. og 31. mai 2020.
Her er ymiskt sum er væl øðrvísi enn í fyrru útgávu, til at fáa hesa stevnu at hóska til almennu coronatilmælini sum fráboðað í dag:
Har er sikkurt okkurt annað sum eg havi gloymt beint nú, og afturat hesum koma okkara kappingartilmæli ísv corona, sum verða klár í seinasta lagi 15. mai.
Sigið endiliga frá, um okkurt er. Vit royna sum frægast at fáa hesa stevnu avgreidda sum vanligt, men mugu jú tillaga onkunstaðni.
Vegna starvsnevnd SSF
Rókur
Evropeiska svimjisambandið LEN hevur fráboðað sínum limalondum, at EJM 2020 nú er endaliga avlýst, sum eftir røttum skuldi verða í Aberdeen hin 1. til 5. juli 2020, og sum tey annars høvdu vónað at kunna flyta til í september mánaða. Hetta vegna støðuna við koronasótt sum herjar um heimin.
Gev gætur – Nýggj og dagførd útgáva finst her
Her eru tilmæli SSF til, hvussu svimjingvenjing eigur at ganga fyri seg, nú meðan strang tilmæli enn eru til at umganga corona-smittu.
Tilmælini eru gjørd út í frá uppskotum frá svimjifeløgum okkara, og í samráð við nýggju corona-ráðgevingina.
Reingerð, reinføri og avspritting fellur uttanfyri sjálvi venjingartilmælini, men eigur sjálvsagt at verða sambært galdandi forskriftum frá myndugleikum.
Tilmæli til kappingar koma seinni – her nú fyrst hava vit miðsavnað okkum um, at fáa hetta til venjingina avgreitt, so at svimjararnir kunnu koma í gongd aftur.
Vegna Svimjisamband Føroya
Rókur
PS. Um tað nú í praksis vísir seg at vera okkurt sum er óheppið ella ógreitt í hesum tilmæli, vinarliga fráboðið tað so til mín, við at senda ein teldupost til rokur (kurla) ssf.fo
Sí eisini skjalið sum samtykt:
Góðu tit øll,
Starvsnevnd SSF hevur avgjørt at útseta árliga aðalfundin hjá Svimjisambandi Føroya, sum skuldi verða nú fríggjakvøldið hin 17. apríl 2020 frá kl 18:00, til í staðin at verða leygardagin hin 16. mai 2020 frá kl 12:00.
Hetta vegna tilmælini frá myndugleikum um ikki at samlast fleiri enn 10 fólk í senn, og vegna tilmæli frá ÍSF um so vítt gjørligt at hava ein fysiskan aðalfund.
Fundurin verður hildin í fundarhølunum hjá Ítróttasambandi Føroya, í ÍSF-húsinum í Gundadali, við somu skrá sum longu fráboðað. Har verður okkurt til matnað.
Skuldi tað ikki eydnast okkum at hava fundin tá heldur sum ætlað, so verður tað fráboðað feløgunum umframt her á heimasíðu SSF.
Vegna starvsnevnd SSF
Rókur í Jákupsstovu
Formaður
You must be logged in to post a comment.