Atlantic Open 2021 enn á skrá til 11. – 13. juni 2021

Posted on 7. June, 2021 by rokur

Góðu tit øll,

Vit hava spurgt okkum fyri hjá koronaráðgevingini, sum sigur at um støðan komandi dagarnar er líka so góð sum nú, so er ráðiligt at skipa fyri ítróttartiltaki komandi vikuskifti.

Tí fyrireika vit okkum enn uppá at skipa fyri Atlantic Open 2021 í Vági, nú komandi vikuskifti hin 11. til 13. juni 2021.

Tilsamans eru tey 58 tilmeldaðir svimjarar, sum øll eru heimabúgvandi í Føroyum, umframt neyðugu dómarar og hjálparfólk.

Vit ætla at stroyma frá øllum stevnupørtum, so at fólk kunnu fylgja við heiman í frá, heldur enn at skula í høllina at hyggja.

Øll sum ætla sær at møta til stevnuna, verða uppá tað harðasta mælt til at umhugsa sína støðu, í mun til sína heilsustøðu, og hvønn smittuvanda sum tey nú einaferð hava verið í.

Skuldi støðan verði verri, so verða vit sjálvsagt noydd at annaðhvørt útseta ella avlýsa.

Við svimjikvøðu

Rókur

Posted in Kapping | Comments Off on Atlantic Open 2021 enn á skrá til 11. – 13. juni 2021

Svimjisambandið sett landsliðsvenjara

Posted on 1. June, 2021 by rokur

Svimjisamband Føroya hevur í dag sett Kristian Martin Joensen úr Havn sum landsliðsvenjara fyri føroyska svimjilandsliðið, at byrja beinanvegin. Avtalan gongur fyribils fram til og við summarið 2022, sum við hesum tá vónandi verður eitt spennandi og mennandi ár fyri føroyskar landsliðssvimjarar.

Continue reading →
Posted in Felagsskapur, Kapping | Comments Off on Svimjisambandið sett landsliðsvenjara

Korona nær at eisini okkum í svimjingini

Posted on 24. May, 2021 by rokur

Góðu tit øll

Havi júst nú frætt um koronasmittu nær eisini okkum í svimjingini, og velji tí at senda út hesi boð.

Í sambandi við svimjistevnuna í gjár og fyrradagin, var Suðuroyar Svimjifelag leygarkvøldið úti og át eitt stað har eisini ein róðrarmanning var, sum nú er staðfest at hava havt koronasmittu ímillum sín.

Tey í Suðuroyar Svimjifelag hava tí fingið boð frá myndugleikunum um øll at lata seg testa, og kontakta nú tey sum tey hava verið nær at eisini.

Sum eg skilji tað, so er eingin smitta enn staðfest millum okkum í svimjingini – men ansið eftir um tit føla nakað, fylgi tilmælunum, og takið eina test um tit ivast.

Vinarliga

Rókur

PS. Nú seinni frættist at eitt starvsfólk í svimjihøllini hevur fingið staðfest korona. Tey eru vanliga ikki í høllini tá ið stevna er; men tess meira orsøk at vera fyrivarin.

Photo by Martin Lopez from Pexels
Posted in Heilsa | Comments Off on Korona nær at eisini okkum í svimjingini

Hatta var EM 2021

Posted on 23. May, 2021 by rokur

Evropeiska meistarastevnan 2021 er nú liðugt avgreidd í Budapest, og hóparnir fara so smátt at finna sær leiðina heimaftur. Vit hava ikki enn frætt um nakran trupulleika við korona, út yvir at fýra kvinnuligir svimjarar máttu verða verandi heima í Turkalandi, tí at tær stutt áðrenn fráferð høvdu fingið staðfest korona.

Faroe SSF XXXV LEN European Aquatic Championships 2020 Duna Arena- Budapest – Hungary 20210522 Photo Giorgio Scala / Deepbluemedia / Insidefoto DBM/LEN Reserved Rights Author must be mentioned when published Editorial/media use only

Okkara egna Signhild Joensen kláraði seg eftir umstøðunum væl, har í meldrinum við ymiskum avbjóðingum eisini uppundir stevnuna, so sum hatta við at venjarin noyddist at melda avboð. Serliga íslendingar hava her verið hjálpsamir, og er tað væl hugsandi at tann succés’in verður endurtikin aftur onkra aðru ferð 🙂

Photo courtesy of Giorgio Scala / Deepbluemedia / Insidefoto

Posted in Kapping | Tagged , | Comments Off on Hatta var EM 2021

Signhild 2:18.50 í 200 rygg á EM 2021 í Budapest

Posted on 23. May, 2021 by rokur

Signhild Joensen royndi seg í gjár í síni triðju og síðstu grein á Evropameistarastevnuni 2021 í Budapest, og varð har við tíðini 2:18.50 nummar 32 av teimum 36 luttakarunum. Her niðanfyri er ein samrøða við Signhild aftaná kappingina, sum Hörður J. Oddfríðarson hjá íslendska svimjisambandinum gjørdi.

Posted in Kapping | Tagged , | Comments Off on Signhild 2:18.50 í 200 rygg á EM 2021 í Budapest

Úrslit frá HS Open 22. og 23. mai 2021

Posted on 23. May, 2021 by rokur

Her eru úrslitini frá svimjistevnuni “HS Open” sum Havnar Svimjifelag skipaði fyri í Svimjihøllini í Gundadali, nú leygardagin 22. og sunnudagin 23. mai 2021. Úrslitini síggjast eisini her á livetiming.se og her á swimrankings.net

hs-open-mai-2021-urslit.txtDownload
hs-open-mai-2021-urslit.htmlDownload
hs-open-mai-2021-urslit.pdfDownload

Alt í alt vóru tey 81 svimjarar úr 5 feløgum sum luttóku tilsamans 552 ferðir í 36 kappingum á hesi stevnu. Elisabeth Erlendsdóttir (2005) úr HS átti besta avrik av øllum, tá ið hon í 100 rygg svam seg til 1:01.86 og 698 FINA stig í 100 rygg.

Posted in Kapping | Comments Off on Úrslit frá HS Open 22. og 23. mai 2021