Vegna áhaldandi støðu við koronu, hava vit í samráð við undirvísararnar valt at útseta dómaraskeiðið sum skuldi verða í Havn nú hin 14. til 16. januar 2022, til heldur at verða hin 18. til 20. mars 2022.
HeimsMeistarastevnan á stuttgeil 2021 endaði í gjár, og burdu okkara svimjarar nú verið væl á veg heim til Føroyar, omaná nakrar fínar dagar í Abu Dhabi. Bartal og Alisa settu persónlig met, meðan Elisabeth og Johan svumu upp ímóti sínum.
Her eru hagtøl higartil frá átakinum “Klárar tú 200?”. Tølini broytast so hvørt sum fleiri koma afturat – Gott at síggja, at so nógv luttaka!
Góðu tit øll
Svimjinevnd SSF hevur í samráð við koronuráðgevingina avgjørt at útseta ABMS 2021 (2), so at eingin stevna verður í Klaksvík nú í vikuskiftinum.
Vegna svimjinevnd SSF
Rókur
Her er mannagongdin sum vit hava gjørt til hesa nýggju svimjiroynd SSF, sum er kjarnan átakinum “Klárar tú 200?”.
Har er eitt tilhoyrandi oyðublað, til at fáa at vita í øllum førum hvar royndin varð klárað, umframt gjarna eisini føðiár, kyn og heimbýur ella -bygd hjá svimjaranum.
Svimjarin má gjarna vera ónevndur, um hann ella hon ynskir tað. Har er tó enn møguleiki at geva upp navn, um svimjarin velur tað.
Í móti endanum stendur heldur knortlut, at møguligt gjald má fáast inn, áðrenn nálin verður handað. Har er bara einki gjald, í ár 🙂
Annars sera stuttligt at uppliva tann áhuga sum er fyri hesum tiltaki, og ta vælvild sum vit uppliva í svimjihallunum.
Við svimjikvøðu
Rókur
You must be logged in to post a comment.