Her eru úrslitini frá svimjistevnuni Ægir Open, sum Ægir skipaði fyri í Klaksvíkar Svimjihøll nú leygardagin 3. og sunnudagin 4. oktober 2020.
Tilsamans vóru tey 78 íðkarar og 41 lið úr øllum okkara 6 feløgum, sum kappaðust 467 ferðir í 37 kappingum, hesar báðar dagarnar í Klaksvík.
Besta avrik var tá ið Vár Erlingsdóttir Eidesgaard úr Havnar Svimjifelag svam seg til 8:52.97 og 727 FINA stig í 800 frí, í fyrstu kapping sunnudag.
Besta avrik hjá monnum var tá ið Johan Nónskarð Dam úr Havnar Svimjifelag svam seg til 4:04.56 og 653 FINA stig í 400 frí, leygardagin.
Havnar Svimjifelag var mest vinnandi felag á stevnuni:
| Felag | Gull | Silvur | Bronsa |
| HS | 21 | 15 | 8 |
| SuSvim | 7 | 4 | 7 |
| Ægir | 4 | 13 | 15 |
| FS | 1 | 1 | 2 |
| FLOT | 1 | 0 | 2 |
| Reysti | 0 | 0 | 0 |
6 svimjarar svumu seg til nál á hesi stevnu:
Talentnál
- Jóannes Clementsen (2007, SuSvim): 31.81 í 50 frí
- Jóhanna Katrina Jacobsen (2007, HS): 35.83 í 50 frí
Bronsunál
- Ragnhild Jacobsen (2008, Ægir): 33.96 í 50 frí
- Dortea Dam (2007, HS): 33.40 í 50 frí
- Rósa Hansen (2006, Reysti): 32.22 í 50 frí
- Bárður Ólavsson (2008, FS): 5:17.05 í 400 frí
Úrslitini síggjast eisini her á livetiming.se, við fílugoymslu her, umframt her á SwimRankings
