Nú freistin fór í gjár, vóru tey tilsamans fimm sum sendu inn umsókn til Svimjisamband Føroya, til starvið sum aðalskrivari SSF. Nú skal ein setanarbólkur meta um og taka inn til samrøðu, áðrenn starvsnevndin fær raðfesting at kunna velja ímillum.
Sameindu Tjóðir lýstu í 2021 hin 25. juli at verða altjóða dagur til fyribyrging av druknivanlukkum, sí heimasíðuna her hjá WHO, umframt hesa síða hjá SSF frá átakinum í 2022.
Í ár er boðskapurin serliga, at sekund kunnu bjarga lívi, og at druknifyribyrging byrjar við tær.
European Aquatics kunngjørdi fyri løtu síðani hvar flestu evropeisku meistarastevnur verða í 2025, eftir at vit fyrst í juli fingu dagfestingarnar. EM U23 og EJM verða í Slovakia í juni/juli, meðan EMS og EMS fyri masters verða í Póllandi í desember. Sí len.eu
Svimjisambandið hevur í rættiliga nógv ár havt eina skipan við talgildum oyðibløðum til fráboðan av ymiskum, so sum tá ið svimjarar hava klárað nálatíð, kravtíð ella met, ella tá ið tey skifta felag.
Hesi oyðubløð eru nú savnaði í eitt app, so at tað er vónandi er smidligari at fylla út og senda frá fartelefon eisini. Umframt at gamla skipanin riggar sum vant, á ssf.fo/ambod. Sí leinkið her, ella nýt QR-kotuna niðanfyri.
Líggjas Joensen (2008, Ægir) megnaði í dag at vinna sær eitt bronsuheiðursmerki afturat á donsku meistarastevnuni fyri juniorar, tá ið hann og hinir á liðnum úr Aalborg svumu seg til samlaða úrslitið 3:29.87 í 4×100 frí á langgeil. Sí úrslitalistan her
Líggjas Joensen (2008, Ægir) megnaði fyri løtu síðani at vinna gull og junior-gull á donsku meistarastevnuni á langgeil 2024, tá ið hann í 1500 metra frísvimjing svam seg til úrslitið 16:14.08. Hetta í hørðum dysti við Malthe Elias Wolgast (2006) úr Vejle, sum Líggjas tók í spurtinum. Sí úrslitalistan her
