Út yvir svimjilandsliðið hjá okkum, so hevur SSF eisini sent tveir av okkara altjóða dómarum til EM U23, eins og vit fyrr í summar sendu ein til EJM í Beograd, at hjálpa til og taka til sín. Talan er um tey trý ið eru altjóða dómarar hjá okkum, Rúni Gaardbo til Beograd og so nú Dan Hjelm og Katja Lervig til Dublin.
25. apríl er altjóða druknivanlukkufyribyrgingardagur, sambært yvirlýsingini hjá Sameindu Tjóðir frá 2021. Tíverri hava vit ikki havt tíð og orku til at varpa ljós á hendan dagin í ár sum í fjør, men er boðskaðurin enn hin sami: Tað kann henda fyri øll, so hav sum tað allarminsta altíð onkran við tær, har vandi er fyri at drukna.
Sí https://www.druknifyribyrging.fo/, umframt átakssíðurnar hjá altjóða lívbjargingarsambandinum ILS, og hjá WHO
So er tað longu í morgin, at kappsvimjingin á langgeil byrjar á HeimsMeistarastevnuni 2023, her í Fukuoka í Japan. Úr Føroyum eru luttakararnir Elisabeth Erlendsdóttir (2005) úr Havnar Svimjifelag og Líggjas Joensen (2008) úr Ægir, harav Líggjas nú í morgin skal royna seg í 400 metra frísvimjing.
Okkara 10 svimjarar hava verið óførir, hesar fýra dagarnar á Oyggjaleikum 2023. Heili 26 heiðursmerki varð tað til, og eitt ótal av finaluplássum, har tey í heilum svumu niður ímóti og betri enn sínar bestu tíðir nakrantíð.
Væl vitandi, at vit plaga at vera pressaði triðja dag á Oyggjaleikum, so kláraðu okkara svimjarar seg faktiskt framúr, við flottum persónligum metum og 6 heiðursmerkjum afturat til rúgvuna á nú 3 gull, 8 silvur og 7 bronsur tilsamans.
So er næsti dagur avgreiddur hjá svimjihópinum á Oyggjaleikum 2023, og gekk tað bara heilt væl hjá okkara svimjarum. Tey svimja upp ímóti og betri enn sínar bestu tíðir, og vunnu í kvøld 1 gull, 4 silvur og 1 bronsu afturat heiðursmerkjunum frá í gjár, so at vit til nú hava vunnið 2 gull, 6 silvur og 4 bronsur í svimjingini. Og hartil setti Elisabeth Erlendsdóttir oyggjaleikamet í 100 rygg.
