Aðalfundurin hjá Svimjisambandinum verður í ÍSF-húsinum leygardagin 25. okt.kl. 10.00.
Dagsskráin er hendan:
1. Val av orðstýrara
2. Starvsnevndarformaðurin leggur fram frágreiðing frá virki felagsins í farna ári
3. Kassameistarin leggur fram grannskoðaðan rokniskap
4. Innkomin mál
5. Val av nevndum og eykamonnum
6. Ymiskt
Víst verður annars til “Lógir og Svimjireglur”. (lógir)
Norðurlendska kappingin (NJM) verður í ár í Svøríki, í døgunum 6. og 7. december. Kappingin er í Södertälje, sum liggur uml 30 km uttan fyri Stockholm.
Luttakarnir eru gentir sum eru føddar 1993-1994 og dreingir føddir 1991-1992
Her eru kraviðirnar sum setta eru til NJM 2008.
Hetta er samstundis kravtíðir, sum eru galdandi fyri at seta junior met, nú nýggja bólkabýti er sett í verk.
50m 100m 200m 400m 800m 1500m
Firvald gentur 0:30,79 1:11,33 2:34,58
Firvald dreingir 0:26,10 1:00,33 2:18,47
Rygg gentur 0:32,02 1:09,67 2:30,56
Rygg dreingir 0:27,50 1:00,15 2:09,40
Br. gentur 0:36,16 1:18,42 2:42,18
Br.dreingir 0:31,69 1:09,67 2:31,33
Frí gentur 0:27,93 1:01,93 2:15:43 4:44,74 9:35,41
Frí dreingir 0:24,45 0:53,93 1:59,76 4:14,95 16:13,50
Blandað gentur 2:29,95 5:18,63
Blandað dreingir 2:16,41 4:48,41
Skeið fyri venjarum, hjá børnum og ungum
– Ítróttur fyri børn og ung.
Skeiðið verður 19 og 20 september 2008 í ÍSF-húsinum. Fríggjakvøldið 19/9 frá kl. 18.00 til 21.00 og leygardagin 20/9 frá kl. 9.00 til 17.00.
Evni:
– ítróttarpædagogikkur
– Ítróttarumhvørvi
– Menning hjá børnum
– Venjing
– Trygd og ábyrgd
– Etikkur og moralur
Skeiðið skiftir ímillum at vera teoretiskt og praktiskt, Leygardagin verður venjing í Badmintonhøllini.
Ongin próvtøka er, men kravt verður at uppmøtingin er 100%. Eftir lokið skeið fært tú eitt luttøkubræv.
Málbólkur:Venjarar, hjálparfólk og leiðarar hjá børnum og ungum. Øll sum hava áhuga í og ábyrgd av børnum og ungum, sum luttaka í ítrótti.
Skeiðið er ein partur av venjaraútbúgvingini hjá Danska Ítróttasambandinum.
Hvat fært tú burturúr:
– Vitan um menningina hjá børnum, fysiskt, psykiskt og samfelagsligt
– Tú blívur vitugur við evni sum námsfrøði, venjaratypir, málsetan og týdningin av ítróttarumhvørvi
– Ítøkilig hugskot til spøl og venjing hjá børnum og ungum
Upptøkutreytir:Luttakari skal vera 15 ár ella eldri. Tó kunnu vit gera frávik frá regluni um upptøku, um serstøk viðurskifti tala fyri hesum.
Luttøkugjald:Kostnaðurin fyri skeiði er 250 kr. Íroknað er frálærutilfar, matur og evt. gisting í FSF-húsinum.
Meiri fæst at vita frá ÍSF skrivstovuni tlf.: 312606 ella frá Anniku á telduposti ahl@isf.fo ella á tlf.: 282331.
Sum fyrr fráboða, verður kalendarfundurin í ár á Hotel Norð á Viðeriði. Vit møtast fríggjakvøldi kl 19,30.
Tey í hava tørv á gisting mugu siga fra innan mikudagin til formannin á mail: pal-zis@olivant.fo
FM í svimjing í ár, varð sum kunnugt sent beinleiðis á Rás 1 hjá Televarpinum um vikuskiftið.
Nú er møguligt at ogna sær hesar sendingar á fløgu, og kunnu tær keypast frá Svimjisambandi Føroya. Talan er 3 fløgur, sum kunnu keypast fyri kr. 250,-
Hevur hetta tykkara áhugað, so er at flyta kr. 250,- til konto í Norðoya Sparikassa nr. 9865-495.373.2 og vit senda fløgurnar til navn og adressu hjá avsendar av flytingini.
