Gevið gætur, at aldursbólkarnir ikki skifta sum fyrr við byrjan av svimjiárinum tann 1. september, men nú fyrst við árskifti.
Norðmenn hava nýliga givið út eina undirvísingarætlan til merkjaskipanina, kallað “Veien mot svømmedyktighet”, at brúka í fólkaskúlanum. Talan er um tilfar sum er beinleiðis grundað á lærubókina “Slik lærer du å svømme”, har tey vísa á hvussu ein kann skipa undirvísingina av nýbyrjarum yvir 40 x 30 minuttir, og har tilfarið er laminerað og innbundið sum ‘flip-over’, at kunna brúka beinleiðis í hylinum. Tilfarið kann bíleggjast á www.idrettsbutikken.no, ella við at venda sær til tann føroyska svimjiskúlan.
Í morgin fríggjadag verður aftur skeið á Toftum, eftir eitt fullteknað skeið síðsta vikuskifti, og áðrenn eitt skeið onkunstaðni aftur í næstu viku. Tað er rættiligur gravgangur eftir at sleppa á skeið, skilst, so tey dríva á at fáa so nógv gjøgnum mylluna sum gjørligt.
Svimjiskúlin er nú av álvara byrjaður. Men innan at øll hesu ungu kunnu fáa frálæru í svimjiskúlanum, so skulu venjarar útbúgvast. Continue reading
Á eykaaðalfundi í Svimjisambandinum leygardagin 29. august varð Rókur í Jákupsstovu, av Toftum, valdur til næstformann í Svimjisambandinum. Continue reading
Rúni og Pálin hava í gjár og í dag skipað fyri skeiði í merkjaskipanini, her í hylinum á Toftum. Áhugin er avbera stórur, so at neyðugt verður at hava eitt skeið aftur um einar 14 dagar, og kanska eitt afturat longu í næstu viku.
You must be logged in to post a comment.