SSF til Bergen Swim Festival 2019. Anita R. Nysted eigur myndina
Her er innbjóðing til svimjistevnu í svimjihylinum á Argjum, sum Havnar Svimjifelag skipar fyri. Hetta er stevna fyri okkara yngstu aldursbólkar, 2 og 3.
Innbjóðing í pdf-sniði: hs-argjastevna-apr-2019-innbjoding.pdf
SuSvim-dreingir settu í dag tvær ferðir føroyskt met í 4×50 metra blandaðari svimjing, tá ið teir á Atlantic Open 2019 svumu teinin uppá tilsamans fyrst 1:54.13 í innleiðandi riðli, og síðani 1:52.64 í finaluni. Í innleiðandi vóru teir Rúni Bech, Rani Jacobsen, Rói Bech og Bartal Debess, og í finaluni vóru teir Hugin Næs Lave, Rani Jacobsen, Rói Bech og Bartal Debess.
Rókur Trygvason úr Ægir setti í dag nýtt føroyskt met í 50 metra frísvimjing á stuttgeil, tá ið hann í finaluni á Atlantic Open 2019 svam teinin uppá 23.14 sekund. Pál Joensen átti metið á 23.19, frá tá ið hann vann gull á Oyggjaleikum á Álandi í 2009.
Vár Erlingsdóttir Eidesgaard úr Havnar Svimjifelag setti í dag stórt nýtt føroyskt met í 800 metra frísvimjing, tá ið hon á Atlantic Open 2019 svam teinin uppá 8:46.64. Hon átti sjálv føroyska metið á 8:50.79, frá FM á stuttgeil í 2017.
Vár Erlingsdóttir Eidesgaard setti í gjárkvøldið stórt nýtt føroyskt met í 1500 metra frísvimjing, tá ið hon á Atlantic Open svam teinin uppá 16.53.02. Hon átti sjálv føroyska metið á 16:55.18, frá FM á stuttgeil í mars 2017. Vár svimur fyri Havnar Svimjifelag.
You must be logged in to post a comment.