Her eru úrslitini frá svimjistevnuni “Ægir Open” sum Ægir skipaði fyri í Klaksvíkar Svimjihøll hin 20. og 21. februar 2021. Úrslitini síggjast eisini her á livetiming.se og her á swimrankings.net
Her er innbjóðing til svimjistevnu í Páls Høll í Vági, leygardagin hin 6. mars 2021, sum Suðuroyar Svimjifelag skipar fyri. Hetta er stevna fyri okkara yngstu aldursbólkar 1 til 4, sum upprunaliga skuldi verða í svimjihylinum í Tvøroyrar skúla, men sum nú vegna koronatilmælini er flutt til heldur at verða uppá tvørs í langhylinum í Vági.
Her er startlistin til svimjistevnuna “Ægir Open”, sum Ægir skipar fyri í Klaksvíkar Svimjihøll nú leygardagin 20. og sunnudagin 21. februar. Startlistin sæst eisini her á livetiming.se, har eisini úrslit verða at síggja beinleiðis frá hesi stevnu.
Her eru úrslitini frá svimjistevnuni SuSvim Open hin 6. og 7. februar 2021, sum Suðuroyar Svimjifelag skipaði fyri í Páls Høll í Vági. Úrslitini síggjast eisini her á livetiming.se og her á swimrankings.net
Tilsamans vóru tey 80 íðkarar og 30 lið sum svumu seg til 508 úrslit í 36 kappingum, hesar 3 stevnupartarnar í Vági.
Vár E. Eidesgaard úr HS átti frægasta úrslitið av øllum sum var 17:28.07 og 677 FINA stig í 1500 frí, meðan Johan N. Dam úr HS átti besta úrslitið hjá mannfólkum, fyri 4:15.03 og 642 FINA stig í 400 frí.
Suðuroyar Svimjifelag skipar sum kunnugt fyri SuSvim Open í Páls Høll í Vági, nú í vikuskiftinum hin 6. og 7. februar. Vit ætla okkum at royna at stroyma frá stevnuni, sum í so fall sæst á YouTube-rásini hjá Svimjisambandi Føroya.
Svimjisamband Føroya hevur nú aftur eina veruliga svimjinevnd, aftaná at starvsnevnd SSF í nøkur ár hevur virkað sum eisini svimjinevnd. Nýggja nevndin hevði sín fyrsta regluliga fund í SSF-hølunum í Saltangará nú mikukvøldið hin 3. februar, har á skránni millum annað var skipan av nýggju svimjinevndini.
You must be logged in to post a comment.