Besta kvinnustafettin hjá Ægir setti í gjár nýtt føroyskt met í 4 ferðir 100 metra blandaðari svimjing, tá ið tær á Føroyameistarastevnuni á langgeil 2019 í Páls Høll í Vági svumu teinin uppá 4 minuttir, 33 sekund og 8 hundraðpartar. Hetta var 5 hundraðpartar skjótari enn gamla metið á 4:33.13, sum Ægir áttu frá FM á langgeil í 2017.
Tær fýra sum settu metið, vóru Signhild Joensen (2000, rygg), Rebekka Trygvadóttir (2004, bringa), Malan Jóhansdóttir (2004, firvald) og Barbara Debes (2000, frí). Sí úrslitalistan her.
