Elisabeth Erlendsdóttir royndi seg í morgun í 50 metra ryggsvimjing á Evropeisku JuniorMeistarastevnuni í kappsvimjing á langgeil, og varð har nr 18 av teimum 34 luttakandi við tíðini 30.12 sekund. Sí úrslitalistan her
Hetta er besta tíð hjá Elisabeth nakrantíð, har hin besta til nú var 30.59 sekund frá FM á langgeil í fjør, og er Elisabeth nú ájavnt við Biritu Debes um næstbestu tíð hjá føroyskum kvinnum yvirhøvur í hesi grein.
Hetta 18. plássið rakk neyðturviliga eisini til heiðurin at verða 2. eykasvimjari til hálvfinalurnar í hesi grein, nú 16 sluppu víðari til hesar.
