Aðalskrivari okkara fer úr starvi, og leita vit tí eftir einum nýggjum. Nógv er rættiliga skrivstovukent, men til tíðir eru eisini praktiskar uppgávur uttanfyri skrivstovutíð og ørindi bæði í Føroyum og uttanlands.
Vit vænta:
- at tú kanst málbera teg væl í skrift og talu í øllum førum á føroyskum og enskum
- at tú klárar og trívist við at fyriskipa heimlig tiltøk og luttøkur á uttanlanda stevnum
- at tú eisini trívist við sovorðnum gerandisligum sum at skula bóka og telja upp goymslu
- at tú ikki hevur nakað ímóti at skula leita eftir inntøkum og rykkja eftir pengum
- og at tú gjarna veitst nøkulunda, hvat vendir upp og niður á t.d. eini skrúvumaskinu.
Afturfyri kunnu vit bjóða eitt lívsjáttandi starv sum aðalskrivari í Svimjisambandi Føroya, ið umframt góð úrslit í altjóða kapping eisini hevur ta lívsneyðugu uppávu at styrkja um svimjiførleika og -trygd í Føroyum.
Lønina kunnu vit tosa um. Í løtuni er talan um hálvtíðarstarv, men ætlanin hjá SSF er avgjørt at viðka um hetta. Arbeiðsbyrðan kann vera skiftandi, so at tú í løtum arbeiðir fulla tíð, meðan tað stundum er minni at gera.
Við svimjikvøðu
Starvsnevndin
Umsóknir skulu stílast til ssf@ssf.fo, í seinasta lagi hin 14. mars 2020.
Meira kunning fæst við at venda sær til Rók í Jákupsstovu, formann í SSF, á tlf 219754 ella til rokur@ssf.fo
